Seif na kas

Ta dushi pa sinti bo seif na kas.
I ta importante tambe, pasobra den un lugá seif bo por krese salú i ku bon oportunidat den bida.

Pero tin bia tin problema na kas.
Por ehèmpel pasobra tin hopi diskushon. Òf problema ku droga òf alkohòl. Tambe lo bo por haña bo ku menasa. Òf nan ta grita bo. Òf neglishá bo.

Bo no ta sinti bo seif? Tin un hende den bo famia ku ta neglishá, abuzá òf bati bo?

No keda ketu. Ta importante pa papi’e ku un hende ku bo ta konfia.
Nos t’ei pa skucha bo. I si bo ke, nos por buska ayudo pa bo. Huntu nos por papia tokante e mihó solushon. I papia tokante kiko bo ke. Bo tin derecho di ta seif na kas.

Nos kòmbersashon ta anónimo. Pues no duda, pero yama nos!