Violensia seksual

Violensia seksual ta nifiká ku un hende ta fòrsa bo pa hasi sèks òf pa papia tokante sèks.

Asalto seksual òf violashon ta ehèmpel di violensia seksual. Pero tin mas forma.
Akibou tin algun ehèmpel di violensia seksual:

• Un hende ta forsa bo pa hasi sèks
• Un hende ta mishi ku bo sin bo pèrmit
• Un hende ta sunchi bo ora bo no ke
• Un hende ta forsa bo pa mishi kuné
• Un hende ta forsa bo pa wak video seksual ora bo no ke
• Un hende ta forsa bo pa papia tokante sèks
• Un hende ta papia ku bo tokante aktividat seksual òf ta hasi seña seksual kontra bo boluntat
• Un hende ta pone preshon riba bo pa pone online òf app un potrèt sunú di bo mes
• Un hende ta puntra bo pa kita paña dilanti di un webcam

Hende por forsa bo pa hasi sèks di hopi manera. Nan por dal bo si bo no kooperá. Òf nan por menasá bo.

Por ta bo no tin e kurashi pa bisa niun hende kiko ta pasando ku bo. Por ehèmpel pasobra un hende ta menasá ku nan ta bai pone potrèt sunú di bo online.

Abuzu seksual dor di un miembro di famia por sigui pa hopi aña. Bo por tin hopi miedu òf sinti hopi bèrgwensa. P’esei bo por disidí ku bo no ta bisa niun hende.

Bo mester sa ku NO ta bo falta! I ku no ta abo so. Lástimamente, hopi mucha i teenager ta pasa den preshon i violensia seksual.

E sa pasa ku bo? Por fabor konta un hende ku bo ta konfia!

E ta seif pa papia ku nos. E mentornan di Guana Chat t’ei pa bo.
Por fabor no warda, pero yama un di nos mentornan. Bo por konta nos tur kos ku a pasa ku bo!