ALKOHÒL I DROGA

Hopi teenager tin pregunta tokante alkohòl i droga.

Por ta ku bo a yega di usa alkohòl òf droga kaba. Un bia so, pa purba, òf mas frekuentemente. Òf podisé bo ke sa mas tokante alkohòl òf droga, pero nunka bo a yega di usa nada.

Alkohòl i droga por influensiá desaroyo di bo serebro. P’esei ta importante pa bo sa kiko alkohòl i droga por hasi.

Bo tin pregunta pasobra bo amigunan òf bo mayornan ta usa alkohòl i droga? Si bo amigunan ta bebe òf si nan ta usa droga, podisé bo ta eksperensiá preshon di grupo. Preshon di grupo por pone bo hasi kos ku bo no ke hasi realmente.

Bo por puntra nos kiko ku lo bo ke sa tokante alkohòl i droga. Nos ta skucha bo i nos por yuda bo, si bo ke esaki. Pues por fabor no duda i yama nos òf chat ku nos!