PRESHON DI GRUPO

Kasi tur hende ke pertenesé un kaminda. Bo ke ta parti di un grupo: un grupo di mucha den bo klas òf di amigu(a)nan… Esei ta normal. Pero e por pone bo sinti insigur tambe. Por ta bo ta pensa: ‘Mi tin e pañanan korekto? Mi ta mustra bon?’

Tin bia un grupo por pone preshon riba bo. Pa hasi kosnan ku bo no ke hasi.
Manera usa alkohòl òf droga. Bo ta usa nan solamente pasobra bo ke ta parti di e grupo.

Bo ta haña difísil pa bisa nò? Òf bo ta pone bo límite?

Kisas por pasa tambe ku bo no ke ta parti di un grupo mas. Esei por ta difísil, espesialmente riba un isla chikitu. Pasobra boso ta bai topa otro tur kaminda.

Ta bon pa papia di dje! Esaki lo pone bo sinti ménos insigur. Ta importante pa bo sa ku hopi mucha i teenager ta sufri di preshon di grupo de bes en kuando. Tin bia nan ta krusa nan límitenan pa ta parti di un grupo.

Semper bo por yama nos òf chat ku nos tokante bo sintimentunan!