STRESS I ARGUMENTO

Stress ta afektá bo hopi i hopi otro hóben ta sinti ku hopi tenshon tin bia. Eksperimentá un tiki stress de bes en kuando no ta un motibu pa preokupashon. Bo por preokupá tin bia, esaki ta un parti di bida, pero ora e preokupashon bira demasiado e no ta bon pa bo salú.
Hopi stress por pone bo sinti deprimí òf rabiá.

Diskutí tambe ta un parti di bida, pero un diskushon por kousa hopi stress. Bo a diskutí ku bo mihó amigu(a), òf tin hopi diskushon na kas? Esaki por molostiá bo i pone bo sinti deprimí.

Semper bo por papia ku nos si bo ta sinti bo ku hopi tenshon, òf si bo tabatin un diskushon! Lo e pone bo sinti hopi mas mihó i e TA importante.

Hopi mucha ta yama e Telefòn pa Mucha pa papia tokante nan stress òf tokante un diskushon desagradabel. Bo no ta e úniko. Asina ku por fabor yama nos, nos lo skucha bo storia!

STRESS I ARGUMENTO
Wak e vidio