DIVORSIO

Bo mayornan ta separando? Nan ta papia tokante un divorsio? Òf bo ta kere ku nan lo por divorsiá? Pasobra nan ta diskutí hopi òf pasobra nan no ta papia ku otro?

Na momentu ku bo mayornan pasa den un divorsio, probablemente lo bo tin hopi pregunta.
Bo bida lo kambia ora bo mayornan bai for di otro.

Bo por bai biba ku un di bo mayornan. Òf bo por biba alternativamente ku bo mama i ku bo tata. Por ta un tempu difísil pa bo si bo mayornan ta bayendo for di otro.

Hopi mucha i teenager mester enfrentá divorsio di nan mayornan. E ta pasa ku tres den kada dies hóben di 15 aña. Bo no ta e úniko!

Bo por sinti bo yen di tenshon òf tristu ora bo mayornan no ta den un relashon mas. Pero bo por sinti bo aliviá tambe ora no tin mas diskushonnan na kas.

Por sosodé ku lo bo mester disidí ku kua mayor bo ta bai biba. Kiko si bo no ke biba ku bo mama? Òf ku bo tata?

I kiko ta e mihó kos pa hasi ora bo mayornan no ke papia ku otro?

Por fabor no isolá bo mes. Yama nos òf chat ku nos tokante bo sintimentunan!

Nos t’ei pa skucha bo storia i nos sa tokante e derechonan ku bo tin komo mucha.