Chat online

E riesgonan di chat online ta hopi. Aki ta sigui algun pa tene kuidou ku nan.

Robo di identidat:

Maske bo por ta pensa ku bo no tin hopi kos pa hòrta, robo di identidat ta un problema enorme. Hopi kriminal ku ta aktivo riba internèt ta buska teenager inosente, pa habri kuenta i credit card riba nan nòmber. Esaki por ta sumamente peligroso i por persiguí bo pa resto di bo bida.

Tèrmentu online:

Tèrmentu online por pasa tur kaminda i kada momentu ku tur hende. Bo no tin mester di ta online pa un tempu largu pa bira víktima di tèrmentu online, i su impakto por ta enorme. E ta tuma djis algun sekònde pa taip un kos falsu i doloroso pa un hende i ku no por keda sin tende òf keda sin lesa. Tèrmentu online por ta bastante peligroso debí na e echo ku e ta bastante anónimo. Por ehèmpel, por tin un mucha muhé ku a bin ta chat ku un mucha hòmber “teenager” pa algun siman. Djis despues, e kòmbersashon ta kuminsá kambia i e mucha hòmber ta kuminsá tèr e mucha muhé online. E ta kompartí potrèt privá di e mucha muhé ku el a manda p’e i awor e ta usa nan pa pone su kara na bèrgwensa. Ta resultá ku e ta un hòmber di 40 aña ku ta biba na otro banda di mundu i ta tèr e mucha muhé pasobra e ta gosa ora e hasié. E mucha muhé no tabatin un idea ken e ta realmente i niun hende no tabatin un idea di loke tabata pasando. Tèrmentu online por tuma hopi forma, for di mensahe pa hasi daño te kompartí imágennan i informashon privá pa pone un hende su kara na bèrgwensa. Tambe por hib’e na un ekstremo mas haltu ku ta envolví menasa ku violensia.

Hende sin eskrúpulo Online:

Hende sin eskrúpulo online ta un otro riesgo enorme di chat online. Hende sin eskrúpulo ta slùip den chat room buska informashon ku nan por usa den nan atake online òf den persona. E informashon aki por ta unda nan ta bai skol, ken ta nan amigunan, ki ora nan ta hasi aña etc. Nan ta usa e informashon aki pa gana bo konfiansa. Una bes ku nan tin e informashon aki, nan lo hasi manera nan ta un teenager òf un hende den un posishon di konfiansa manera un maestro(a) di skol òf un coach pa gana bo konfiansa. Una bes ku nan a gana bo konfiansa, nan ta persuadí bo pa kompartí potrèt sunú òf hasi tarea eksplísitamente seksual via webcam òf vidio. Algun hende sin eskrúpulo online despues lo enkurashá un enkuentro en persona i por abuzá di nan seksualmente.

Chat online ta trese solamente 3 riesgo. Tin hopi otro riesgo ku bale la pena pa tene kuenta kuné tambe, inkluso kontenido no apropriá riba Internet, hate speech i mas.

Pues si bo ta sinti inkonfortabel tokante e chatnan ku bo tin online, por fabor yama nos, nos lo averiguá huntu ku bo!