KURPA I SÈKS

KURPA
Bo por ta un teenager i bo ke yama nos ku pregunta tokante bo kurpa i tokante sèks.
Nos ta kontentu ku bo a haña nos! Riba e Liña di Telefòn pa Mucha bo por papia ku nos tokante TUR KOS.

Ora bo yega pubertat, bo kurpa ta kuminsá kambia. Hopi teenager ta kontentu ku e transformashon di nan kurpa. Algun teenager no ta konfortabel ku nan kurpa. Otro teenager asta ta odia nan kurpa, òf partinan di dje.

Bo ta sinti bo insigur tokante e kambionan na bo kara, pechunan, pianan òf barika? Bo ta purbando di no kome nada? Bo ta haña difísil pa kome salú? Bo ta kome demasiado ora bo ta sinti tristu? Si bo no ta wòri pa kuida bo kurpa, lo bo por desaroyá problema di salú.

Ta bon pa papia tokante kon bo ta sinti! Ta e promé paso pa sinti bo mihó.

SÈKS

Bo por siña asina hopi tokante sèks.  Mi por imaginá mi ku si bo no tin e informashon korekto bo por ta nèrvioso. Esaki por pone sèks parse spantoso. Espesialmente or abo ta hasiendo sèks pa promé bia.
Riba e liña di telefòn pa mucha bo por hasi tur e preguntanan ku bo tin tokante sèks.

• Na kua edat otro teenager ta hasi sèks?
• Kiko bo mester hasi i Kon bo ta aktua?
• Kon bo ta usa un kondon?
• Kon bo ta bisa un hende ku bo no ta gusta loke e ta hasi?
• Kon bo por splika kiko bo ta gusta?

Bo por puntra nos kiko ku bo ke sa. Tokante bo kurpa, tokante sèks, tokante antikonseptivo…
Nos ta skucha bo sin husga bo!